02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Ռյազանում ուկրաինական հարձակման հետևանքով 3 մարդ է զոհվել, 12-ը՝ վիրավորվել
Քաղաքականություն
15.05.2026 | 10:54
Ուկրաինական անօդաչու թռչող սարքերը մայիսի լույս 15-ի գիշերը հարվածել են Ռյազանին։ Տարածաշրջանի ղեկավար Պավել Մալկովի խոսքով՝ զոհվել է 3 մարդ, վիրավորվել՝ 12-ը, գրում է Meduza-ն։
Ռյազանի նահանգապետը հայտարարել է, որ վնասվել են երկու բազմահարկ բնակելի շենքեր։ Նա գրել է, որ անօդաչու թռչող սարքի բեկորներն ընկել են արդյունաբերական ձեռնարկության տարածքում՝ առանց լրացուցիչ մանրամասներ տրամադրելու։
Ըստ Astra-ի՝ անօդաչուները հարվածել են «Ռոսնեֆտի» նավթավերամշակման գործարանին, որը Ռուսաստանում ամենամեծերից մեկն է, ինչի հետևանքով հրդեհ է բռնկվել։ Վնասվել են երկու բազմահարկ բնակելի շենքեր։
Բելգորոդի մարզի օպերատիվ շտաբ էլ հայտնել է քաղաքի և Բելգորոդի շրջանի վրա հրթիռային հարձակման մասին: Հարձակման հետևանքով վնասվել է ենթակառուցվածքային օբյեկտ և մեքենա, իսկ բեկորները վնասել են կանգառում գտնվող ավտոբուսը։ Նախնական տեղեկությունների համաձայն՝ տուժածներ չկան: «Пепел» տելեգրամ ալիքը հաղորդում է, որ Բելգորոդի ՋԷԿ-ը հարձակման է ենթարկվել, ինչից հետո Բելգորոդի որոշ բնակիչներ զրկվել են ջրամատակարարումից:
ՌԴ ՊՆ-ն հայտարարել է, որ Ռուսաստանի ՀՕՊ ուժերը գիշերը խոցել են ուկրաինական 355 անօդաչու թռչող սարք։
Ուկրաինական անօդաչու թռչող սարքերը նախկինում մի քանի անգամ հարձակվել են Ռյազանի նավթավերամշակման գործարանի վրա, սակայն սա առաջին դեպքն է, որ հարվածը հանգեցրել է զոհերի։
Թարգմանությունը՝ Էմմա Չոբանյանի
