24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
Կարեն Խաչանովը՝ Կասպեր Ռուդի դեմ մրցախաղի մասին․ «Շատ տարօրինակ հաշիվ էր»
14.05.2026 | 17:31
Աշխարհի 15-րդ ռակետ Կարեն Խաչանովը մեկնաբանել է Հռոմում ընթացող «Մասթերս» շարքի մրցաշարի քառորդ եզրափակիչում նորվեգացի Կասպեր Ռուդից կրած պարտությունը։
«Երկար ու անձրևոտ օր էր։ Այսօր երևի հինգ անգամ նախավարժանք կատարեցի։ Մի պահ նույնիսկ մտածեցի, որ անձրևն իմ օգտին էր, որովհետև առաջին սեթը պարտվեցի 1:6 հաշվով։ Հենց այդ ընթացքում ժամանակ ունեցանք մարզիչիս հետ քննարկելու, թե ինչ կարելի է փոխել։ Երբ վերսկսեցինք խաղը, սկսեցի ավելի ագրեսիվ խաղալ, նախաձեռնությունը վերցրի իմ ձեռքը և երկրորդ սեթում արդեն ինքս հաղթեցի 6:1 հաշվով։
Ի վերջո, չկարողացա հաղթել երրորդ սեթը։ Մրցախաղի դինամիկան մի քիչ տարօրինակ էր։ Կարծես հաշիվը չէր արտացոլում իրականությունը։ Ես զգում էի, որ մենք իսկապես շատ բարձր մակարդակով էինք խաղում։ Բայց ամեն սեթի սկզբում ինչ-որ մեկը ձեռք էր բերում առավելություն, և այդ առավելությունը մեծ տարբերություն էր ստեղծում հաշվի մեջ։ Եթե իրատեսորեն նայենք մրցախաղին՝ շատ տարօրինակ հաշիվ էր։ Կարծես մրցախաղը դա չէր արտացոլում»,- Ռուսաստանը ներկայացնող հայ թենիսիստի խոսքը մեջբերում է Sport24-ը։
Հիշեցնենք, որ աշխարհի 23-րդ ռակետ Կասպեր Ռուդը հաղթել էր երեք սեթում՝ 6։1, 1։6, 6։2։
