14.05.2026 | 19:30
Հայաստանում և Ադրբեջանում հանրության տրամադրություններն արտացոլում են հակամարտությունից հոգնածությունը. Թոմ դե Վաալ. ՏԵՍԱՆՅՈՒԹ
ՌԴ-ն Հայաստանը ներառել է իր քաղաքացիների ձերբակալության բարձր ռիսկ ունեցող երկրների ցանկում
Քաղաքականություն
14.05.2026 | 12:35
Արտասահման մեկնելիս ռուսաստանցիները պետք է հաշվի առնեն երրորդ երկրներում ձերբակալության և ԱՄՆ արտահանձնման ռիսկը։ Այս մասին ՌԻԱ Նովոստիին ասել է ՌԴ արտաքին գործերի նախարարության մարդու իրավունքների բազմակողմ համագործակցության վարչության տնօրեն Գրիգորի Լուկյանցևը։
«Շատ պետություններ, ոչ միայն Եվրամիության, այլև ավելի լայն շրջանակներում, ունեն որոշակի պարտավորություններ արտահանձնման և հանձնման վերաբերյալ։ Այս ամենը պետք է հաշվի առնել այն ռիսկերը գնահատելիս, որոնց կարող են բախվել մարդիկ արտասահման մեկնելիս»,- ասել է Լուկյանցևը։
Նա նշել է, որ ԱԳՆ-ն չի որոշում, թե ուր կարող են կամ չեն կարող ճանապարհորդել ռուսաստանցիները։ Նախարարությունը կարող է խորհուրդ տալ որոշակի երկրներ չայցելել միայն այն դեպքում, եթե կարծում են, որ քաղաքացիները կարող են խնդիրներ ունենալ ամերիկյան կամ եվրոպական իշխանությունների հետ։
Ռուսաստանի ԱԳՆ-ի հրապարակած տեղեկատվության համաձայն՝ ԱՄՆ-ի դիմումով Ռուսաստանի քաղաքացիների ձերբակալության բարձր ռիսկ ունեցող երկրների թվում են Եվրոպայի և Լատինական Ամերիկայի մեծ մասը, ինչպես նաև Ավստրալիան, Կանադան, Հայաստանը, Իսրայելը, Մալդիվները, Հարավային Կորեան, Սինգապուրը, Թաիլանդը, Ֆիջին, Շրի Լանկան, Լիբերիան և Մարոկկոն։ Միաժամանակ, նախարարությունը նշում է, որ այս ցանկը չի ներառում բոլոր այն երկրները, որոնք ԱՄՆ-ի հետ կնքել են արտահանձնման պայմանագրեր։
Թարգմանությունը՝ Էմմա Չոբանյանի
