26.10.2026 | 16:50
Հաջիևը հայտարարել է, թե Հայաստանն ու հայ հասարակությունը «պետք է ներողություն խնդրեն ադրբեջանցիներից»
Հենրիխ Մխիթարյանը հերթական տիտղոսն է նվաճել «Ինտերի» կազմում․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
14.05.2026 | 10:03
Հայաստանի ազգային հավաքականի նախկին ավագ Հենրիխ Մխիթարյանն Իտալիայի նորընծա չեմպիոն «Ինտերի» կազմում դարձել է նաև երկրի գավաթակիր։
Իտալիայի գավաթի խաղարկության եզրափակիչում Կրիստիան Կիվուի գլխավորած թիմը Հռոմի «Օլիմպիկո» ստադիոնում մրցել է «Լացիոյի» հետ ու հաղթել 2:0 հաշվով։
Հանդիպման երկու գոլերն էլ գրանցվել են առաջին խաղակեսում։ 14-րդ րոպեին «Լացիոյի» չեռնոգորցի պաշտպան Ադամ Մարուշիչը գրավել է սեփական դարպասը, իսկ 35-րդ րոպեին «Ինտերի» առավելությունը կրկնապատկել է արգենտինացի հարձակվող Լաուտարո Մարտինեսը։
Հենրիխ Մխիթարյանն «Ինտերի» կազմում փոխարինման է դուրս եկել 68-րդ րոպեին։
37-ամյա կիսապաշտպանը նվաճել է կարիերայի 28-րդ տիտղոսը։ «Ինտերի» կազմում Մխիթարյանը 2-ական անգամ դարձել է Իտալիայի չեմպիոն, գավաթակիր ու սուպերգավաթակիր։
«Ինտերը» պատմության մեջ 10-րդ անգամ է նվաճել Իտալիայի գավաթը։ Նախորդ անգամ միլանյան ակումբը ոսկե դուբլ գրանցել էր 2010 թվականին։
