21.01.2026 | 23:21
Կառավարությունը հավանություն տվեց Թրամփի՝ «Խաղաղության խորհրդի» կանոնադրության ստորագրման առաջարկությանը
Թուրքիայում 74 զինծառայող դատապարտվել է ցմահ ազատազրկման
Քաղաքականություն
23.11.2018 | 12:36
Անկարայի ծանր հանցանքների դատարանը Թուրքիայի բանակի 28-րդ մեխանիզացված հետևակային դիվիզիոնի 74 զինծառայողի վերաբերյալ վճիռ է կայացրել: Ըստ մեղադրական եզրակացության՝ նրանք մասնակցել էին 2016թ. հուլիսի 15-ին տեղի ունեցած ռազմական հեղաշրջման փորձին։ Մեղադրվել են Թուրքիայի «սահմանադրական կարգը խախտելու», Թուրքիայում ահաբեկչական համարվող գյուլենական համայնքի հետ կապեր ունենալու մեջ։ Դատարանը նրանց դատապարտել է ցմահ ազատազրկման. փոխանցում է ermenihaber-ը:
Աղբյուրը նշում է, որ այժմ Թուրքիայում նվազագույնը 77.000 մարդ գտնվում է բանտում, որոնք մեղադրվում են ռազմական հեղաշրջման փորձի հետ առնչություն ունենալու մեջ։
Հիշեցնենք, որ հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որը, սակայն, հուլիսի 16-ի դրությամբ արդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր:
Հեղաշրջման փորձից հետո Թուրքիայում զանգվածային ձերբակալություններ են տեղի ունենում: Ձախողված հեղաշրջման կազմակերպման մեջ թուրքական իշխանությունները մեղադրում են ամերիկաբնակ միլիարդատեր, իսլամի քարոզիչ, գյուլենական համայնքի առաջնորդ Ֆեթուլլահ Գյուլենին։
