16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Օգնյեն Չանչարևիչն ուշագրավ դրվագ է վերհիշել Թուրքիայի հավաքականի դեմ արտագնա խաղից
13.05.2026 | 15:40
Հայաստանի ազգային հավաքականի դարպասապահ Օգնյեն Չանչարևիչն ուշագրավ դրվագ է վերհիշել Թուրքիայի հավաքականի դեմ Եվրո-2024-ի որակավորման փուլի արտագնա հանդիպումից։
«Խաղից առաջ ստադիոնի մոտ խառնաշփոթ էր: Հետևում էի ստադիոն մուտք գործող բազմաթիվ մարդկանց ու նկատեցի, որ նրանցից մեկն ուշադիր ինձ է նայում: Նրա հագին ամառային վերնաշապիկ էր։ Երբ նա իջեցրեց շղթան, դրա տակ թաքնված էր Հայաստանի հավաքականի մարզաշապիկը: Շուտով նորից փակեց ու թաքցրեց այն: Այս պահին էլ փշաքաղվում եմ՝ հիշելով դա: Նա մտավ «դժոխք», որտեղ կար 40 հազար թուրք երկրպագու: Նայեց ինձ ու ժպտաց: Մտածեցի՝ խենթ է, քանի որ ոչ ոք չէր համարձակվի նման բան անել: Ինքնասպանության պես մի բան էր․ դա շատ ազդեց մեր տրամադրության վրա խաղից առաջ»,- Iz keca, mićo փոդքաստի եթերում ասել է Չանչարևիչը:
Հիշեցնենք, որ 2023 թվականի սեպտեմբերի 8-ին կայացած Թուրքիա – Հայաստան հանդիպումն ավարտվել էր 1։1 հաշվով։ Խաղի հաշիվը 49-րդ րոպեին բացել էր Արտակ Դաշյանը, իսկ 88-ին դաշտի տերերը խփել էին պատասխան գոլը։
