03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Բելգորոդի մարզում էլեկտրագնացքը դուրս է եկել գծերից. սկզբում հաղորդվում էր պայթյունի մասին
Քաղաքականություն
13.05.2026 | 16:38
ՌԴ Բելգորոդի մարզի Յակովլևսկի շրջանում Ռազումնոյեից Տոմարովկա երթևեկող էլեկտրագնացքը դուրս է եկել գծերից, հայտնել է տարածաշրջանի ղեկավար Վյաչեսլավ Գլադկովը։ Տեղական իշխանությունների նախնական տվյալների համաձայն՝ միջադեպի պատճառը շուրջ երկու մետր երկարությամբ ռելսի բացակայությունն է եղել, գրում է Meduza-ն։
«Մեքենավարը ստիպված էր արտակարգ արգելակել։ Սա վագոնի կեսը դուրս է բերել գծերից։ Վթարի պահին գնացքում 15 մարդ է եղել. մեկ կին ոտքի վնասվածք և մեջքի կապտուկներ է ստացել»,- ասել է Գլադկովը։
Սկզբում Գլադկովը գրել էր, որ ռելսի բացակայությունը «կարող էր պայթյունի հետևանք լինել»։ Ավելի ուշ նա ուղղել է իր գրառումը։ Այժմ նշվում է, որ «մոտավորապես երկու մետր ռելս բացակայել է, ինչը կարող էր վնասվելու հետևանք լինել»։ Նա չի նշել վնասի բնույթը։
Ըստ նահանգապետի՝ դեպքի վայրում աշխատում են Ռուսաստանի Պաշտպանության նախարարության սակրավորները։
Ռուսաստանի կողմից Ուկրաինա լայնածավալ ներխուժումից հետո ՌԴ-ում տեղի են ունեցել երկաթուղային և այլ ենթակառուցվածքային պայթյունների մի քանի միջադեպեր: Մասնավորապես, 2025 թվականի հունիսին մի շարք պայթյուններ են տեղի ունեցել Բրյանսկի, Կուրսկի և Վորոնեժի մարզերում: Բրյանսկի մարզում ավտոմոբիլային կամուրջը փլուզվել էր դրա տակով ուղևորատար գնացքի անցնելու պահին։ Յոթ մարդ զոհվել է, ավելի քան 100-ը՝ վիրավորվել:
Թարգմանությունը՝ Էմմա Չոբանյանի
