05.10.2026 | 11:33
Իրավագիտակից, հանդուրժող և ոչ խտրական հասարակության ձևավորումը սկսվում է կրթական միջավայրից․ ՄԻՊ-ի ուղերձը
Երևանում վիճաբանության ընթացքում 53-ամյա տղամարդը կրակոց է արձակել օդ. նա հայտնաբերվել է. ՆԳՆ
Հասարակություն
12.05.2026 | 20:43
Շիրակի փողոցում մեքենայի կայանման հարցի շուրջ վիճաբանության ժամանակ 53-ամյա տղամարդը իր հաշվառված զենքից օդ է կրակել. ոստիկանությունը նրան և զենքը հայտնաբերել է, տուժածներ չկան, դեպքի հանգամանքները պարզվում են։ Այս մասին տեղեկացնում են ՆԳՆ ոստիկանությունից։
«Մայիսի 12-ին` ժամը 19․26-ին, ՆԳՆ 112 օպերատիվ կառավարման կենտրոն քաղաքացուց ահազանգ է ստացվել, որ Շիրակի փողոցում վիճաբանություն է։
Անմիջապես նշված հասցե են մեկնել Ոստիկանության օպերատիվ խմբեր։ Ըստ նախնական տեղեկությունների՝ 53-ամյա տղամարդը մեքենայի կայանման հարցով վիճաբանել է մեկ այլ անձի հետ, որի ընթացքում իր անունով հաշվառված զենքից մեկ կրակոց է արձակել օդ։
Նա և զենքը հայտնաբերվել են։ Դեպքի բոլոր հանգամանքները պարզվում են, տուժած անձինք չկան»,- ասված է հաղորդագրությունում։
