25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Էդուարդ Սպերցյան․ «Հաջողությունը մեր կողմից չէր»
12.05.2026 | 16:23
«Կրասնոդարի» ու Հայաստանի ազգային հավաքականի ավագ Էդուարդ Սպերցյանն անդրադարձել է
Ռուսաստանի Պրեմիեր լիգայի 29-րդ տուրում Մոսկվայի «Դինամոյից» կրած 1:2 հաշվով պարտությանը, որի պատճառով գործող չեմպիոնն առաջնության ավարտից մեկ տուր առաջ նահանջել էր
երկրորդ տեղ։
«Հաջողությունը մեր կողմից չէր։ Ֆուտբոլում այդպես պատահում է։ Պարզապես պետք է իրացնես քո
պահերը։ Ես հավասարվեցի գոլային փոխանցումների ցուցանիշով, սակայն դեռ ռեկորդ չեմ սահմանել։ Դա կարևոր պահ է թիմին օգնելու հարցում։ Հրաշալի է, որ դրա շնորհիվ մենք կարողացանք գոլ խփել։ Տխուր եմ, որ չհաղթեցինք»,- Սպերցյանի խոսքը մեջբերում է Championat.com-ը։
Մոսկվայում կայացած խաղում 25-ամյա կիսապաշտպանը 16-րդ գոլային փոխանցումն էր կատարել Ռուսաստանի ընթացիկ առաջնությունում, իսկ 83-րդ րոպեին փոխարինվել էր վնասվածքի պատճառով։
Վերջին տուրից առաջ «Կրասնոդարը» 2 միավոր է զիջում առաջատար Սանկտ Պետերբուրգի «Զենիթին»։ Կրասնոդարցիներն առաջնությունը կավարտեն «Օրենբուրգի» դեմ տնային խաղով, իսկ «Զենիթը» կհյուրընկալվի «Ռոստովին»։
