25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Լուիս Էնրիկեն չի ճանաչվել Լիգա 1-ի լավագույն մարզիչ, լավագույն ֆուտբոլիստն 9 անգամ է խաղացել մեկնարկային կազմում
12.05.2026 | 15:47
Երկրորդ տարին անընդմեջ Չեմպիոնների լիգայի եզրափակիչ դուրս եկած ՊՍԺ-ի իսպանացի գլխավոր մարզիչ Լուիս Էնրիկեն չի ճանաչվել Ֆրանսիայի առաջնության լավագույն մարզիչ։
Պրոֆեսիոնալ ֆուտբոլիստների ազգային միության (UNFP) վարկածով՝ մրցաշրջանի լավագույն մարզիչի մրցանակը բաժին է հասել երկրորդ տեղում գտնվող «Լանսը» գլխավորող Պիեր Սաժը, հաղորդում է UNFP-ի մամուլի ծառայությունը։
Քվեարկության արդյունքում 47-ամյա ֆրանսիացի մասնագետն առաջ է անցել Լուիս Էնրիկեից, Պաուլու Ֆոնսեկայից («Լիոն»), Բրունո Ժենեզիոյից («Լիլ») և Օլիվյե Պանտալոնիից («Լորիան»)։
Երկրորդ տարին անընդմեջ Ֆրանսիայի առաջնության լավագույն ֆուտբոլիստ է ճանաչվել ՊՍԺ-ի հարձակվող Ուսման Դեմբելեն։ Լիգա 1-ի ընթացիկ մրցաշրջանում ֆրանսիացին մասնակցել է 20 հանդիպման, դարձել 10 գոլի ու 6 գոլային փոխանցման հեղինակ՝ ընդամենը 9 անգամ դաշտ դուրս գալով մեկնարկային կազմում։
Մրցանակին հավակնում էին նաև ՊՍԺ-ի ֆուտբոլիստներ Վիտինյան ու Նունու Մենդեշը, Մեյսոն Գրինվուդը («Մարսել») ու Ֆլորիան Տովենը («Լանս»)։
