03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Կրասնոդարի դպրոցներից մեկում դեռահասը կրակ է բացել․ երկու աշակերտ վիրավորվել է
Քաղաքականություն
12.05.2026 | 15:31
ՌԴ-ում Կրասնոդարի երկրամասի Գուլկևիչի քաղաքում 9-րդ դասարանի աշակերտը կրակ է բացել դպրոցում, հաղորդում է տեղական 93.ru կայքը։ Տարածաշրջանի Ներքին գործերի նախարարությունն Ինտերֆաքսին հաստատել է, որ թիվ 1 դպրոցում կրակոց է տեղի ունեցել: Կրակ բացած դեռահասը փորձել է փախչել, սակայն ձերբակալվել է։
Նախնական տեղեկությունների համաձայն՝ երկու աշակերտ վիրավորվել է: Նրանք տեղափոխվել են հիվանդանոց, գրում է Meduza-ն։
93.ru-ն հաղորդում է, որ 9-րդ դասարանի աշակերտը կրակ է բացել տրավմատիկ ատրճանակից: Կրասնոդարի երկրամասի նահանգապետ Վենիամին Կոնդրատևը հայտարարել է, որ աշակերտը դպրոց է բերել օդամղիչ ատրճանակ և «վիրավորել երկու աշակերտի»:
«Այժմ մենք պետք է պարզենք, թե ինչպես է ավագ դպրոցի աշակերտը կարողացել զենքը բերել: Հետաքննություն կանցկացնենք դպրոցի վարչակազմի և անվտանգությունն ապահովող ընկերության նկատմամբ»,- հավելել է նահանգապետը:
Baza տելեգրամ ալիքը, որը սերտորեն կապված է ուժայինների հետ, հաղորդում է, որ կրակողը 16 տարեկան է: Նա օդամղիչ ատրճանակով վիրավորել է երկու 15-ամյա աշակերտի՝ քունքի և որովայնի շրջանում: Բժիշկները տուժածների վիճակը գնահատում են բավարար:
Թարգմանությունը՝ Էմմա Չոբանյանի
