Լեյբորիստները Բրիտանիայի վարչապետի հրաժարականն են պահանջում

Մեծ Բրիտանիայի վարչապետ Քիր Սթարմերին ուղղված հրաժարականի կոչերը կտրուկ ավելացել են, այն բանից հետո, երբ իր իշխող Լեյբորիստական ​​կուսակցությունը պարտվել է տեղական և տարածաշրջանային ընտրություններում, գրում է France 24-ը։

Լեյբորիստական ​​կուսակցության 403 պատգամավորներից ավելի քան 70-ը Սթարմերին հորդորել են հրաժարական տալ՝ չնայած կուսակցությունն ավելի համարձակ և լավը դարձնելու՝ նրա խոստումներին։ Կուսակցության կանոնադրության համաձայն՝ ցանկացած մրցակից պետք է ունենա 81 լեյբորիստ ​​պատգամավորի՝ խորհրդարանում կուսակցության 20 տոկոսի աջակցությունը՝ առաջնորդության համար մրցակցություն սկսելու համար։

Քիչ Սթարմերին հրաժարականի կոչ անողների թվում են կառավարության անդամների չորս օգնականներ, որոնք հրաժարական են տվել: Բրիտանական լրատվամիջոցների տվյալներով՝ արտաքին գործերի նախարար Իվետ Կուպերը և ներքին գործերի նախարար Շաբանա Մահմուդը Սթարմերին ասել են, որ նա պետք է վերահսկի իշխանության համակարգված փոխանցումը։

Ջո Մորիսը, որը առողջապահության նախարար Ուես Սթրիթինգի խորհրդարանական անձնական քարտուղարն էր, X-ում գրել է՝ «այժմ պարզ է, որ վարչապետն այլևս չունի հանրության վստահությունը կամ վստահություն՝ այս փոփոխությունը ղեկավարելու համար»։

63-ամյա Սթարմերն իշխանության է եկել 2024 թվականի հուլիսին՝ ընտրություններում տարած հաղթանակից հետո, որը վերջ դրեց Պահպանողական կուսակցության 14-ամյա կառավարմանը, որը գերիշխում էր խնայողության միջոցառումներով, Brexit-ի և Covid-19-ի դեմ ներքին պայքարով։ Նա դեռևս չի խթանել տնտեսական աճը՝ օգնելու բրիտանացի քաղաքացիներին, բայց նրան գովաբանում են Իրանի հարցում ԱՄՆ նախագահ Դոնալդ Թրամփին դիմադրելու համար։

Անցյալ շաբաթ ընտրողները կտրուկ քննադատել են տեղական և տարածաշրջանային ընտրությունները, որոնք մեծ հաջողություն են բերել ծայրահեղ աջ «Reform UK» կուսակցությանը և ձախ-պոպուլիստական ​​«Կանաչների» կուսակցությանը՝ Լեյբորիստական ​​կուսակցության հաշվին։

Երկուշաբթի Սթարմերն ընդունել է հանրության հիասթափությունը երկրի վիճակից, նրա քաղաքականությունից և իր ղեկավարությունից։

Պատգամավոր Քեթրին Ուեսթն էլ հայտարարել է, որ հավաքում է Լեյբորիստական ​​կուսակցության այն պատգամավորների անունները, որոնք ցանկանում են, որ Սթարմերը սահմանի սեպտեմբերին նոր առաջնորդ ընտրելու ժամանակացույց։

Մինչ այդ, տեղեկություններ էին շրջանառվում, որ առողջապահության նախարար Սթրիթինգը և նախկին փոխվարչապետ Անժելա Ռեյները կարող են փորձել տապալել Սթարմերին։ Սակայն ոչ մեկը չի վայելում համընդհանուր ժողովրդականություն Լեյբորիստական ​​կուսակցության ներսում։

Ըստ BBC-ի՝ Լեյբորիստական ​​կուսակցության այն պատգամավորների թիվը, որոնք կոչ են արել Սթարմերին լքել պաշտոնը կամ սահմանել հրաժարականի ժամանակացույցը, 78 է։ Դա կուսակցության 403 պատգամավորների 20%-ից մի փոքր պակաս է։

Թարգմանությունը՝ Էմմա Չոբանյանի