16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Մոսկվայի դատարանը «Դոժդ»-ի գլխավոր խմբագրին հեռակա դատապարտել է 8 տարվա ազատազրկման՝ Բուչայի մասին գրառումների համար
Քաղաքականություն
12.05.2026 | 14:05
Մոսկվայի Գոլովինսկի շրջանային դատարանը «Դոժդ» հեռուստաալիքի գլխավոր խմբագիր Տիխոն Ձյադկոյին հեռակա կարգով դատապարտել է 8 տարվա ազատազրկման՝ ռուսական բանակի մասին «կեղծիքներ» տարածելու մեղադրանքով, գգրում է Meduza-ն։
Ձյադկոն նաև տուգանվել է 250,000 ռուբլով, նրան արգելվել է չորս տարի սոցիալական ցանցեր վարել։
Դատախազությունը լրագրողի համար պահանջել էր ութ տարվա ազատազրկում և 5,9 միլիոն ռուբլու տուգանք։
2025 թվականի հոկտեմբերին դատարանը հեռակա կարգով ձերբակալել էր Ձյադկոյին, նա ընդգրկվել էր ահաբեկիչների և ծայրահեղականների ցուցակում: Դատախազությունը պնդում էր, որ «Դոժդ»-ի գլխավոր խմբագիրն իր տելեգրամ ալիքում հրապարակել է երկու գրառում, որոնք պարունակում են «կեղծ տեղեկություններ Ուկրաինայում ռուսական զորքերի կողմից իրականացված բռնի գործողությունների», Բուչայում ու Իրպինում խաղաղ բնակիչների սպանության, ինչպես նաև ուկրաինական քաղաքների ավերման մասին։
Mediazona-ն պարզաբանում է, որ վիճելի գրառումները պարունակում էին հղումներ Բուչայի մասին ռեպորտաժին և The New York Times-ի կողմից Կիևի շրջանում խաղաղ բնակիչների սպանության վերաբերյալ հետաքննությանը։
2026 թվականի փետրվարին Մոսկվայի դատարանը հեռակա կարգով «Դոժդ» լրատվական ծառայության ղեկավար Եկատերինա Կոտրիկաձեին դատապարտել էր ութ տարվա ազատազրկման՝ բանակի մասին «կեղծիքների» հետ կապված գործով։ Քրեական գործը հարուցվել է լրագրողի կողմից 2022 թվականի գարնանը տելեգրամում արված գրառումներից հետո։ Դրանցում, մասնավորապես, քննարկվել են Բուչայում խաղաղ բնակիչների սպանությունները և Օդեսայի վրա հրթիռային հարվածի հետևանքով երեք ամսական աղջկա ու նրա մոր մահը։
Թարգմանությունը՝ Էմմա Չոբանյանի
