05.10.2026 | 12:20
Մեսիի հրաժեշտի հանդիպման տոմսերը սպառվել են 4 րոպեում
«Սամվել Կարապետյանդ էլ 180 հազարով փող ա բաժանում»․ ՀԿԿ-ն նոր ձայնագրություն է հրապարակել․ ՏԵՍԱՆՅՈՒԹ
Հասարակություն
12.05.2026 | 12:49
ՀՀ հակակոռուպցիոն կոմիտեն քրեական վարույթ է նախաձեռնել «Ուժեղ Հայաստան» կուսակցության օգտին ընտրակաշառք խոստանալու և տալու դեպքի առթիվ։ Ըստ կոմիտեի՝ կուսակցության Բաղրամյան համայնքի տարածքային պատասխանատուն մի շարք ընտրողների նյութապես շահագրգռել է ինչպես քվեարկության, այնպես էլ կուսակցության հանրահավաքներին մասնակցելու համար․ ձերբակալվել են մի շարք անձինք, կատարվել են խուզարկություններ։
«ՀՀ հակակոռուպցիոն կոմիտեի ծառայողների կողմից իրականացրած օպերատիվ-հետախուզական միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Արմավիրի մարզի Բաղրամյան համայնքի տարածքային պատասխանատուն կուսակցության օգտին քվեարկելու պայմանով նույն համայնքի մի շարք ընտրողների խոստացել, ինչպես նաև տվել է ընտրակաշառք:
Բացի այդ, նույն անձը Արմավիրի մարզի Բաղրամյան համայնքի մի շարք բնակիչների նյութապես շահագրգռելու եղանակով ապահովել է նրանց մասնակցությունը նշված կուսակցության հանրահավաքներին:
Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»,- ասված է հաղորդագրությունում։
