03.08.2026 | 17:35
Գևորգ Պապոյանն ու Վահե Հովհաննիսյանը վերանշանակվել են իրենց պաշտոններում
Շանը մեքենային կապած վարորդը ձերբակալվել է
Հասարակություն
12.05.2026 | 11:58
Մայիսի 11-ին համացանցում տարածված տեսանյութի հիման վրա ոստիկանությունը պարզել է «ՎԱԶ-2121» մակնիշի ավտոմեքենայի վարորդի ինքնությունը։ Ըստ ոստիկանության՝ Արտաշար գյուղի 45-ամյա բնակիչը, որը շանը մեքենային կապած վարել էր՝ դաժան վերաբերմունք դրսևորելով կենդանու նկատմամբ, հայտնաբերվել, ձերբակալվել և ներկայացվել է նախաքննական մարմին։
«Մայիսի 11-ին համացանցում տարածվել էր տեսանյութ, որտեղ երևում էր, թե ինչպես է «ՎԱԶ-2121» մակնիշի ավտոմեքենայի վարորդը շանը մեքենային կապած վարում՝ կենդանու նկատմամբ դրսևորելով դաժան վերաբերմունք։
Համայնքային ոստիկանության Արմավիրի բաժնի ծառայողների ձեռնարկած միջոցառումների շնորհիվ պարզվել է վարորդի ինքնությունը․ նույն օրը Արտաշար գյուղի բնակիչ 45-ամյա տղամարդը հայտնաբերվել, ձերբակալվել և տեղափոխվել է Համայնքային ոստիկանության Արմավիրի բաժին, որտեղ խոստովանել է արարքը։
Ավտոմեքենան տեղափոխվել է հատուկ պահպանվող տարածք։
Տղամարդը և կազմված փաստաթղթերը ներկայացվել են նախաքննական մարմին»,- ասված է հաղորդագրությունում։
