25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Իսրայելում բանտարկել են Լիբանանում Մարիամ Աստվածածնի արձանը պղծած զինվորներին
Քաղաքականություն
12.05.2026 | 17:18
Իսրայելում բանտարկել են երկու զինվորականի, որոնք պղծել և լուսանկարել էին Մարիամ Աստվածածնի արձանը Լիբանանի հարավում, գրում է CNN-ը։
Սոցցանցերում տարածվել է միջադեպի լուսանկար, որտեղ երևում է, թե ինչպես է զինվորներից մեկը ծխախոտը մոտեցնում արձանի բերանին։ Այդ զինվորը դատապարտվել է 21 օրվա ռազմական բանտարկության, ասվում է Իսրայելի բանակի հայտարարության մեջ, իսկ լուսանկարն արած զինվորը՝ 14 օրվա։
«Իսրայելի բանակը մեծ խստությամբ է վերաբերվում միջադեպին և հարգում է կրոնի ու պաշտամունքի ազատությունը, ինչպես նաև բոլոր կրոնների և համայնքների սրբավայրերն ու կրոնական խորհրդանիշները»,- ասվում է հայտարարության մեջ։
Նշվում է, որ Դեբելի՝ գերազանցապես քրիստոնյաներով բնակեցված գյուղում միջադեպը տեղի է ունեցել «մի քանի շաբաթ առաջ»։
Իսրայելցի զինվորի կողմից ապրիլին Հիսուս Քրիստոսի արձանը վնասելու և լուսանկարվելու համար բանտարկել էր երկու զինվոր, ևս վեցը՝ հարցաքննվել։
Թարգմանությունը՝ Էմմա Չոբանյանի
