06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Հանրաքվե կանենք այն պահին, երբ դրա օբյեկտիվ անհրաժեշտությունը լինի․ Փաշինյանն արձագանքում է Պուտինին. ՏԵՍԱՆՅՈՒԹ
Քաղաքականություն
11.05.2026 | 16:03
Նիկոլ Փաշինյանը ԵՄ-ում կամ ԵԱՏՄ-ում լինելու հարցով հանրաքվե անցկացնելու անհրաժեշտություն չի տեսնում։ Վարչապետ, «Քաղաքացիական պայմանագիր» կուսակցության վարչապետի թեկնածուն այս մասին հայտնեց Երևանում՝ քարոզարշավի ժամանակ լրագրողների հետ ճեպազրույցում։
Նշենք, որ ՌԴ նախագահ Վլադիմիր Պուտինը անդրադարձել էր Հայաստանի հարաբերություններին ԵՏՄ-ում և ԵՄ-ում։ Նա նշել էր, որ միանգամայն տրամաբանակն կլինի հանրաքվե անցկացնել և հարցնել Հայաստանի քաղաքացիներին, թե որն է լինելու նրանց ընտրությունը։
«ՌԴ նախագահի հետ մենք այդ հարցը քննարկել ենք աշխատանքային մակարդակում։ Ես ասել եմ, որ մինչև այն պահը, երբ ընտրություն կատարելու անհրաժեշտություն չի լինի դե յուրե, դե ֆակտո, մենք նման հարց օրակարգում չենք դնելու։ Ես համաձայն չեմ նաև ապահարզան ձևակերպման հետ, քանի որ մենք երբեմն միջպետական հարաբերությունները շփոթում ենք ամուսնության հետ։ Ես նման ձևակերպման հետ համաձայն չեմ»,- լրագրողների հետ զրույցում ասաց Փաշինյանը։
Ըստ նրա` քանի դեռ անհրաժեշտություն չի առաջացել, չեն պատրաստվում որևէ այդպիսի հարց դնել հանրաքվեի։
Մանրամասները՝ տեսանյութում։
