25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Գերմանիայի պաշտպանության նախարարը Կիև է ժամանել
Քաղաքականություն
11.05.2026 | 12:56
Գերմանիայի պաշտպանության նախարար Բորիս Պիստորիուսը ժամանել է Կիև, գրում է BBC-ի ռուսական ծառայությունը։
DPA գործակալության փոխանցմամբ՝ Պիստորիուսը բանակցություններ կվարի Ուկրաինայի հետ սպառազինությունների ոլորտում համագործակցության ընդլայնման վերաբերյալ։ Այցի սկզբում նա հայտարարել էր, որ ժամանակակից անօդաչու թռչող սարքերի համատեղ մշակումը, մասնավորապես, հեռահար թռիչքների ոլորտում, կլինի հիմնական ուշադրության կենտրոնում։
Պիստորիուսը հայտարարել է, որ ՆԱՏՕ-ի եվրոպական երկրները դեռևս զգալի բացթողումներ ունեն նման անօդաչու սարքերի մշակման գործում, և նշել, որ Եվրոպան մտադիր է օգտվել ուկրաինական բանակի մարտադաշտային փորձից։
«Գերմանիան և Ուկրաինան ռազմավարական գործընկերներ են, որոնք երկուսն էլ օգտվում են համագործակցությունից: Սա հանգեցնում է բազմաթիվ նոր նախագծերի»,- ասել է գերմանացի պաշտոնյան։
Պիստորիուսը նշել է, որ Գերմանիայի կառավարությունը հանձնառու է՝ ստեղծել նոր գերմանա-ուկրաինական համատեղ ձեռնարկություններ:
Թարգմանությունը՝ Էմմա Չոբանյանի
