28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Աշխարհում նավթի պակասը հասել է մոտ մեկ միլիարդ բարելի
Քաղաքականություն
10.05.2026 | 19:04
ԱՄՆ-ի և Իսրայելի՝ Իրանի դեմ պատերազմի հետևանքով վերջին երկու ամիսների ընթացքում համաշխարհային շուկայում ձևավորվել է մոտ 1 միլիարդ բարել նավթի պակաս, կարծում են Saudi Aramco սաուդյան նավթային ընկերությունում։ Այդ մասին կիրակի՝ մայիսի 10-ին, հայտնել է Reuters գործակալությունը։
Ընկերության ղեկավար Ամին Նասերի գնահատմամբ՝ նույնիսկ եթե Հորմուզի նեղուցի շրջափակումը վերացվի և նավթի մատակարարումները վերականգնվեն, շուկայի և հումքի գների կայունացման համար ժամանակ կպահանջվի։ Նասերը նշել է, որ ԱՄՆ-ի և Իսրայելի պատերազմի ազդեցությունից բացի, շուկայի վրա ազդում է նաև ներդրումների բազմամյա պակասը, որը մեծացրել է առանց այդ էլ ցածր համաշխարհային նավթային պաշարների վրա ճնշումը։
Ինչպես գրում է Reuters-ը, 2026 թվականի առաջին եռամսյակում Saudi Aramco-ի զուտ շահույթն աճել է 25%-ով և կազմել 32,5 միլիարդ դոլար։ Ընկերությանը բաժին է ընկնում աշխարհի նավթի պաշարների մոտ 12%-ը։
Հորմուզի նեղուցի շրջափակումը շրջանցելու համար Saudi Aramco-ն օգտագործում է իր նավթամուղը, որը կարող է օրական մինչև 7 միլիոն բարել հում նավթ տեղափոխել Պարսից ծոցի արևելյան ափից դեպի Կարմիր ծով, պատմել է Նասերը։
