16.01.2025 | 14:53
Իսրայելը ՀԱՄԱՍ-ի հետ գործարքի համար պայման է առաջ քաշել
Վարկած կա, որ «Թուրքական հոսք» գազատարի 2-րդ գիծը Եվրոպա կանցնի Բուլղարիայով
Քաղաքականություն
22.11.2018 | 20:47
Ըստ ռուսական «Կոմերսանտ» պարբերականի՝ ռուսական «Գազպրոմը» որոշել է «Թուրքական հոսք» գազատարով Եվրոպա մատակարարվելիք գազի խողովակաշարն անցկացնել Բուլղարիայի, ապա Սերբիայի, Հունգարիայի և Սլովակիայի տարածքով. փոխանցում է ermenihaber-ը:
«Թուրքական հոսք» ծրագիրը, որով նախատեսվում է ռուսական բնական գազը հասցնել Թուրքիա, իսկ հետո նաև՝ Եվրոպայի հարավ ու հարավ-արևելք, տարեկան 15.7 մլրդ խորանարդ մետր գազ պիտի մատակարարի:
Ենթադրվում է, որ բնական գազի մատակարարումը Թուրքիայից Բուլղարիա և Սերբիա կսկսվի 2020թ., իսկ Հունգարիա ` 2021թ.:
Ըստ աղբյուրի` նշյալ երկրները դրանից հետո կդադարեցնեն գազի գնումը Ուկրաինայից:
Հիշեցնենք, որ ծրագրի երկրորդ հաստվածում ռուսական գազի մատակարարման համար երկու ուղղություն է քննարկվում, այն է` Թուրքիայի միջոցով գազը հասցնել Հունաստան, կամ էլ՝ Բուլղարիա:
