14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Ընտրակաշառք տալու և ստանալու դեպքերով 6 անձ կալանավորվել է. ՀԿԿ
Հասարակություն
09.05.2026 | 13:08
Ընտրակաշառք տալու և ստանալու դեպքերի առթիվ նախաձեռնված քրեական վարույթների շրջանակներում ձերբակալված անձանցից 6-ի նկատմամբ որպես խափանման միջոց է կիրառվել կալանքը, ևս մեկի նկատմամբ՝ տնային կալանքը։ Այս մասին Factor TV-ին հայտնում են Հակակոռուպցիոն կոմիտեից։
Վարույթները վերաբերում են մայիսի 7-ի և 8-ի ընտրակաշառքի վերաբերյալ հրապարակումներին։
Հիշեցնենք` Հակակառուպցիոն կոմիտեն մայիսի 8-ին Շիրակի մարզի Անի համայնքի մի շարք հասցեներում խուզարկություններ էր կատարել։ «Ուժեղ Հայաստան» կուսակցության Մարալիկ քաղաքի տարածքային գրասենյակից կային ձերբակալվածներ։
Իսկ մայիսի 7-ին ՀԿԿ-ից հայտնել էին, որ փաստական տվյալներ են ստացել այն մասին, որ Ռուսաստանի Դաշնության Օրենբուրգ քաղաքում բնակվող ազգությամբ հայ գործարարի կազմակերպմամբ վերջինիս մերձավոր շրջապատի անձինք հունիսի 7-ին կայանալիք ՀՀ Ազգային ժողովի ընտրություններին «Ուժեղ Հայաստան» կուսակցության օգտին քվեարկելու պայմանով մի շարք ընտրողների պարտք-գումարի մասը զիջելու, աշխատանքի ընդունելու և այլ եղանակով խոստացել են տալ կաշառք։
Դեպքի առթիվ ՀՀ հակակոռուպցիոն կոմիտեում նախաձեռնվել էր քրեական վարույթ, ձերբակալվել են մի շարք անձինք, կատարվել էին խուզարկություններ և վարութային այլ գործողություններ։
Եվգենյա Համբարձումյան
