09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Հայ հարձակվողի գոլն օգնել է «Ռոդինային» նվաճել Ռուսաստանի Պրեմիեր լիգայի ուղեգիր․ ՏԵՍԱՆՅՈՒԹ
09.05.2026 | 12:02
Հայաստանի երիտասարդական հավաքականի հարձակվող Արթուր Ղարիբյանն առաջին գոլն է խփել Մոսկվայի «Ռոդինայի» կազմում։
«Չելյաբինսկի» դեմ Ռուսաստանի առաջին դիվիզիոնի 33-րդ տուրի խաղում 19-ամյա ֆուտբոլիստը փոխարինման է մտել 83-րդ րոպեին, իսկ 6 րոպե անց ձևակերպել է հանդիպման վերջնական հաշիվը՝ 2։0։ Ավելացված ժամանակում Ղարիբյանը ստացել է կարմիր քարտ։
Դա Արթուր Ղարիբյանի 6-րդ գոլն էր ընթացիկ առաջնությունում։ Նախորդ 5 գոլերը նա խփել էր «Սպարտակ Կոստրոմայի» կազմում։
«Ռոդինան» ունի 65 միավոր ու Վորոնեժի «Ֆակելի» հետ գլխավորում է մրցաշարային աղյուսակը։ Երկու թիմերն էլ ժամանակից շուտ ապահովել են Ռուսաստանի Պրեմիեր լիգայի ուղեգիր։ «Ռոդինան» առաջին անգամ կխաղա Ռուսաստանի ուժեղագույնների լիգայում։ Մոսկովյան ակումբում է հանդես գալիս նաև Հայաստանի հավաքականի նախկին կիսապաշտպան Արշակ Կորյանը։
