16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
UFC-ի նախագահը հաստատել է, որ Արման Ծառուկյանը պահետսային է լինելու Տոպուրիա – Գեյջի մենամարտում
08.05.2026 | 20:50
UFC-ի թեթև քաշային կարգի գործող չեմպիոն Իլյա Տոպուրիայի ու ժամանակավոր չեմպիոն, ամերիկացի Ջասթին Գեյջիի միջև Վաշինգտոնի Սպիտակ տանը կայանալիք մենամարտի պահեստայինը լինելու է Արման Ծառուկյանը։ Այդ մասին հայտարարել է UFC-ի նախագահ Դանա Ուայթը։
«Արմանը պահեստային է Սպիտակ տան մրցաշարում։ Այնպես որ, եթե այդ մենամարտի հետ ինչ-որ բան պատահի, Արմանը գործի մեջ է»,- բլոգեր Նինա Դրամայի հետ հարցազրույցում ասել է Դանա Ուայթը։
Հիշեցնենք, որ Սպիտակ տան մրցաշարը տեղի կունենա հունիսի 14-ին։ Տոպուրիան ու Գեյջին կհանդիպեն գլխավոր մենամարտում ու կվիճարկեն Իսպանիան ներկայացնող վրացի մարտիկին պատկանող տիտղոսը։
Արման Ծառուկյանը UFC-ի թեթև քաշային կարգի դասակարգման երկրորդ համարն է։ 29-ամյա հայ մարտիկը UFC-ում նորամուտը նշել է 2019 թվականին, նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։
