Երբ սեղանին դիվանագիտական ​​լուծում է դրվում, ԱՄՆ-ն ընտրում է անխոհեմ ռազմական արկածախնդրությունը. Արաղչի

Իրանի արտաքին գործերի նախարար Աբբաս Արաղչին հայտարարել է, որ իր երկիրը «երբեք չի զիջի ճնշմանը»՝ դատապարտելով ԱՄՆ-ի կողմից Իրանի վրա հարվածները՝ լարված հրադադարի պայմաններում, գրում է CNN-ը։

«Ամեն անգամ, երբ դիվանագիտական ​​լուծում է դրվում սեղանին, ԱՄՆ-ն ընտրում է անխոհեմ ռազմական արկածախնդրությունը։ Անկախ պատճառներից՝ արդյունքը նույնն է. իրանցիները երբեք չեն ենթարկվում ճնշման, և դիվանագիտությունը միշտ զոհն է»,- նշել է նա X-ում գրառման մեջ։

Բացի այդ, Արաղչին շեշտել է՝ ԿՀՎ-ն սխալվում է։ Ըստ նրա՝ Իրանի հրթիռային պաշարները և արձակման կայանքների հզորությունը փետրվարի 28-ի համեմատ 75%-ի մակարդակի վրա չեն։

«Ճիշտ թիվը 120% է։ Ինչ վերաբերում է ժողովրդին պաշտպանելու մեր պատրաստակամությանը՝ 1000%»,- գրել է նա։

ԱՄՆ Կենտրոնական հրամանատարությունը հինգշաբթի հայտարարել էր, որ ԱՄՆ ուժերը թիրախավորել են իրանական ռազմական օբյեկտները, որոնք պատասխանատու են Հորմուզի նեղուցով անցնող ամերիկյան ռազմանավերի վրա հարձակումների համար: ԱՄՆ-ը փորձել է նվազեցնել ենթադրությունները, որ հարվածները սրացում են, իսկ ԱՄՆ նախագահ Դոնալդ Թրամփն ABC News-ի հետ հեռախոսազրույցում հայտարարել էր, որ հրադադարը դեռևս ուժի մեջ է:

Մինչ ԱՄՆ-ը նվազագույնի է հասցնում հարվածը, Իրանի արտաքին գործերի նախարարությունն այն բնութագրել է որպես «ագրեսիվ և սադրիչ»՝ նշելով, որ այն արտացոլում է «պատշաճ կերպով իրավիճակը հասկանալու և իր իսկ ստեղծած փակուղուց ռացիոնալ ելք գտնելու»՝ Վաշինգտոնի անկարողությունը։

Նախարարությունը հայտարարության մեջ վերահաստատել է, որ Իրանը պատրաստ է պաշտպանվել «ցանկացած ագրեսիայից կամ չար մտադրությունից»։