16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Իրանի կողմից ԱՄԷ-ի վրա հարձակման հետևանքով երեք մարդ է վիրավորվել
Քաղաքականություն
08.05.2026 | 16:49
ԱՄԷ-ի վրա Իրանի օդային հարվածներին արձագանքի հետևանքով երեք մարդ միջին ծանրության վնասվածքներ է ստացել։ The National news-ի հաղորդմամբ՝ այս մասին հայտնել է երկրի Պաշտպանության նախարարությունը։
Նշվում է, որ երկրի ՀՕՊ համակարգերը խոցել են Իրանի կողմից ուղարկված երկու բալիստիկ հրթիռ և երեք անօդաչու թռչող սարք։ Հարձակումների վայրը չի նշվել, վիրավորների մասին այլ տեղեկություններ չեն հրապարակվել։
Ուրբաթ ժամը 6:43-ին իշխանությունները նախազգուշացում են տարածել՝ նշելով, որ ԱՄԷ-ն արձագանքում է հրթիռային սպառնալիքներին։ Հանրությանը կոչ է արվել մնալ անվտանգ վայրում և հետևել պաշտոնական ալիքներին՝ հետագա թարմացումների համար։
Փետրվարի 28-ին Իրանի դեմ ԱՄՆ-Իսրայել պատերազմի մեկնարկից հետո ԱՄԷ-ն իրանական կողմի հարվածների թիրախում է հայտնվել։ Հակամարտության ընթացքում զոհվել են ԱՄԷ զինված ուժերի երկու զինծառայող և զինվորականների համար աշխատող մարոկկացի քաղաքացիական կապալառու, մահացել է նաև տասը քաղաքացիական անձ։ Բացի այդ, վիրավորվել է, ընդհանուր առմամբ, 230 մարդ։
Թեհրանը վերսկսել հարձակումները ԱՄԷ-ի վրա երկուշաբթի՝ ապրիլի 8-ին պայմանական հրադադարի ուժի մեջ մտնելուց գրեթե մեկ ամիս անց։ ԱՄԷ-ն խստորեն դատապարտել է երկրի վրա Իրանի նոր հարձակումները՝ նշելով, որ դրանք «վտանգավոր սրացում» են, և երկիրն իրեն իրավունք է վերապահում արձագանքել։
ԱՄԷ-ն հայտարարել է, որ ստեղծել է հանձնաժողով՝ ԱՄԷ-ի դեմ Իրանի իրականացրած ագրեսիայի և հանցագործությունների փաստագրման համար։
Թարգմանությունը՝ Էմմա Չոբանյանի
