10.10.2026 | 18:18
ԶՈՒ ԳՇ պետն այցելել է մի շարք զորամասեր
Բաքուն Մոսկվայից բացատրություն է պահանջում Լեռնային Ղարաբաղի քարտեզը ցուցադրելու համար
Քաղաքականություն
08.05.2026 | 15:47
«Ռուսաստանի պետական «Առաջին ալիք»-ի «Время покажет» ծրագրում մայիսի 6-ին Ադրբեջանի աղավաղված քարտեզի ցուցադրումը, ինչպես նաև քարտեզի վրա գոյություն չունեցող Լեռնային Ղարաբաղ տերմինի օգտագործումը լուրջ սադրանք և անընդունելի քաղաքական մանիպուլյացիա է»։ Այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն։
Նրա խոսքով՝ Ադրբեջանի «ինքնիշխանությունն ու տարածքային ամբողջականությունը լիովին վերականգնվել են», և այս իրողությունը ճանաչվում է միջազգային հանրության, այդ թվում՝ Ռուսաստանի կողմից։
«Ռուսաստանի պետական հեռուստատեսությամբ հնացած, կեղծ և անջատողականություն խրախուսող նարատիվների տարածումը, չնայած Ռուսաստանի հայտարարություններին, որ Ադրբեջանի տարածքային ամբողջականության և ինքնիշխանության նկատմամբ հարգանքը երբեք կասկածի տակ չի դրվել, բացահայտորեն հակասում է ադրբեջանա-ռուսական հարաբերությունների, փոխադարձ հարգանքի և բարիդրացիության ոգուն։ Պետական լրատվամիջոցների անպատասխանատու և կողմնակալ մոտեցումը անընդունելի է։ Մենք ակնկալում ենք, որ ռուսական կողմը հստակ պաշտոնական պարզաբանումներ կտա այս հարցի վերաբերյալ և կձեռնարկի անհրաժեշտ միջոցներ՝ նման միջադեպերի կրկնությունը կանխելու համար»,- հայտարարել է Ադրբեջանի ԱԳՆ ներկայացուցիչը։
Թարգմանությունը՝ Էմմա Չոբանյանի
