04.06.2026 | 12:48
Օվերչուկը հայատարարել է, թե Հայաստանի հետ կապված որոշումները «կախված կլինեն ընտրությունների արդյունքներից»
Արտասահմանյան լրագրողներին կարգելվի մասնակցել մայիսի 9-ի շքերթին. ՌԴ իշխանությունները չեղարկել է տրված հավատարմագրերը
Քաղաքականություն
08.05.2026 | 16:34
Ռուսաստանի իշխանությունները չեղյալ են հայտարարել օտարերկրյա լրագրողների հավատարմագրումը, որոնք պետք է մասնակցեին մայիսի 9-ի շքերթին Մոսկվայի Կարմիր հրապարակում: Der Spiegel-ը հաղորդում է, որ միայն ռուսական լրատվամիջոցները ներկա կլինեն տոնակատարությանը, գրում է Current time-ը։
«Շքերթի լուսաբանման ձևաչափը փոխվել է իրավիճակի պատճառով: Հետևաբար, օտարերկրյա լրատվամիջոցներին, որոնց արդեն խոստացվել էր հավատարմագրում, այլևս թույլատրված չէ»,- ասել է Կրեմլի պաշտոնյան։
Der Spiegel-ը տեղեկացել է, որ հետ են կանչվել նաև գերմանական ARD-ի և ZDF-ի, բրիտանական Sky հեռարձակողի, AFP լրատվական գործակալության, իտալական Rai հեռուստաալիքի և ճապոնական NHK հեռուստաալիքի հրավերները։
Նշվում է, որ սա մայիսի 9-ի շքերթի պատմության մեջ առաջին դեպքն է, երբ արտասահմանյան լրատվամիջոցները սկզբում Կրեմլից ստացել են շքերթի հավատարմագրում, սակայն հետագայում այն չեղյալ է հայտարարվել։
Ավելի վաղ Ռուսաստանը միակողմանիորեն հրադադար էր հայտարարել մայիսի 8-ին և 9-ին՝ սպառնալով զանգվածային հարված հասցնել Կիևի կենտրոնին, եթե շքերթը խափանվի, և «համարժեք պատասխան» տալ հրադադարի խախտման դեպքում։
Ուկրաինայի նախագահ Վլադիմիր Զելենսկին առաջարկել էր հրադադար հայտարարել մայիսի 6-ից, սակայն Ռուսաստանն անմիջապես խախտել է այն։ Մայիսի լույս 8-ի գիշերը Ռուսաստանի շրջանները ենթարկվել են լայնածավալ հրթիռային և անօդաչու թռչող սարքերի հարձակման, Մոսկվայի քաղաքապետ Սերգեյ Սոբյանինի խոսքով՝ Մոսկվային մոտենալիս խոցվել է 27 անօդաչու։
Թարգմանությունը՝ Էմմա Չոբանյանի
