28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
ԵՄ-ն պատրաստվում է Պուտինի հետ հնարավոր բանակցություններին. FT
Քաղաքականություն
08.05.2026 | 14:27
ԵՄ առաջնորդները պատրաստվում են Ռուսաստանի նախագահ Վլադիմիր Պուտինի հետ հնարավոր բանակցությունների։ Այս մասին Financial Times-ին ասել է Եվրոպական խորհրդի նախագահ Անտոնիո Կոշտան, գրում է Meduza-ն։
ԵՄ երկրներն «ունեն ներուժ» Պուտինի հետ բանակցությունների համար, դաշինքը վայելում է Ուկրաինայի նախագահ Վլադիմիր Զելենսկիի աջակցությունը նման բանակցությունների համար, ասել է Կոշտան։
«Ես բանակցություններ եմ վարում ԵՄ 27 երկրների ղեկավարների հետ՝ որոշելու մեր աշխատանքը կազմակերպելու լավագույն եղանակը և հասկանալու, թե ինչ պետք է քննարկենք Ռուսաստանի հետ, երբ ժամանակը գա»,- հավելել է Կոշտան։
Եվրոպական խորհրդի նախագահը հիշեցրել է, որ ապրիլին Կիպրոսում ԵՄ առաջնորդների գագաթնաժողովում Զելենսկին «կոչ է արել մեզ պատրաստ լինել դրական ներդրում ունենալ բանակցություններում»։
Նրա խոսքով՝ ԵՄ-ն մտադրություն չունի միջամտել ԱՄՆ-ի միջնորդությամբ ընթացող բանակցություններին և դեռևս չի տեսել Մոսկվայի կողմից Բրյուսելի հետ երկխոսության պատրաստակամության որևէ նշան։
«Կա [Պուտինի հետ բանակցությունների] ներուժ, բայց մինչ այժմ ոչ ոք չի տեսնում որևէ նշան, որ Ռուսաստանը ցանկանում է արդյունավետորեն մասնակցել լուրջ բանակցությունների»,- նշել է Կոշտան։
Եվրամիությունը գնալով ավելի է հիասթափվում Ուկրաինայի և Ռուսաստանի միջև ԱՄՆ-ի միջնորդությամբ ընթացող բանակցություններից։ Եվրոպական երկրները մտավախություն ունեն, որ բանակցությունները ձգձգվում են։
Թարգմանությունը՝ Էմմա Չոբանյանի
