17.08.2026 | 10:23
Բելգորոդի իշխանությունները հայտնել են Կոլոսկովո գյուղի վրա հրթիռային հարվածի հետևանքով 6 զոհի մասին
Եվրոպա լիգայում ու Կոնֆերենցիաների լիգայում հայտնի են եզրափակիչի զույգերը. ՏԵՍԱՆՅՈՒԹ
08.05.2026 | 09:38
Ֆուտբոլի Եվրոպա լիգայում ու Կոնֆերենցիաների լիգայում կայացել են կիսաեզրափակիչի պատասխան խաղերն ու հայտնի են դարձել եզրափակիչի զույգերը։
Եվրոպա լիգայում տիտղոսը կվիճարկեն գերմանական «Ֆրայբուրգն» ու անգլիական «Ասթոն Վիլան»։
Կիսաեզրափակիչում «Ֆրայբուրգը» երկու խաղերի արդյունքում հաղթել է պորտուգալական «Բրագային» (1:2, 3:1), իսկ «Ասթոն Վիլան» անգլիական դիմակայությունում ուժեղ է գտնվել «Նոթինգեմ Ֆորեսթից» (0:1, 4:0)
Եվրոպա լիգայի եզրափակիչը կկայանա մայիսի 20-ին Ստամբուլում։
Կոնֆերենցիաների լիգայի եզրափակիչում կհանդիպեն իսպանական «Ռայո Վալյեկանոն» ու անգլիական «Քրիսթալ Փելասը»։
Կիսաեզրափակիչում «Ռայո Վալիեկանոն» երկու անգամ հաղթել է ֆրանսիական «Ստրասբուրգին» (1:0, 1:0), իսկ «Քրիսթալ Փելասը»՝ ուկրաինական «Շախտյորին» (2:1, 3:1):
Կոնֆերենցիաների լիգայի եզրափակիչը տեղի կունենա մայիսի 27-ին Գերմանիայի Լայպցիգ քաղաքում։
