02.07.2026 | 11:57
Եթե ՌԴ-ն փակի իր շուկան ՀՀ-ի առաջ, ԵՄ-ն կբացի դուռը 450 միլիոնանոց շուկայով․ ֆոն դեր Լայեն․ ՏԵՍԱՆՅՈՒԹ
Իրանի նախագահը հայտարարել է, որ հանդիպել է գերագույն առաջնորդ Մոջթաբա Խամենեիի հետ
Քաղաքականություն
07.05.2026 | 16:59
Իրանի նախագահ Մասուդ Փեզեշքիանը հայտարարել է, որ հանդիպել է երկրի գերագույն առաջնորդ Մոջթաբա Խամենեիի հետ, հաղորդել են պետական լրատվամիջոցները, փոխանցում է DW-ն։
Խամենեին հանրությանը չի երևացել Իրանի պատերազմի սկսվելուց ի վեր և, ըստ լուրերի, ծանր վիրավորվել է հարվածների ժամանակ, որոնց արդյունքում զոհվել է նրա հայրը՝ Իրանի նախորդ գերագույն առաջնորդ Ալի Խամենեին։ Գերագույն առաջնորդին վերագրվող հայտարարություններն ընդամենը տարածվել են պետական լրատվամիջոցների միջոցով։
«Այս հանդիպման ժամանակ ինձ ամենաշատը զարմացրեց Իսլամական հեղափոխության գերագույն առաջնորդի տեսլականը և համեստ ու անկեղծ մոտեցումը»,- ասել է Փեզեշքիանը՝ առանց քննարկման բովանդակության կամ հանդիպման մասին լրացուցիչ մանրամասներ հաղորդելու։
Հիշեցնենք նաև, որ Մոջթաբա Խամենեիի նշանակման մասին Իրանի փորձագետների ժողովի կողմից, որը 88 անդամից բաղկացած մարմին է և պատասխանատու է գերագույն առաջնորդի ընտրության համար, հայտարարվել էր պետական հեռուստատեսությամբ մարտի 9-ին։
Թարգմանությունը՝ Էմմա Չոբանյանի
