28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Իտալիայի հավաքականի նախկին ֆուտբոլիստ․ «Մխիթարյանն անհավանական խաղացող է»
07.05.2026 | 15:25
Միլանի «Ինտերի» ու Իտալիայի հավաքականի նախկին ֆուտբոլիստ Ջանֆրանկո Մատեոլին գովեստի խոսքեր է ասել Հենրիխ Մխիթարյանի հասցեին։ Հայաստանի ազգային հավաքականի նախկին ավագի պայմանագիրն «Ինտերի» հետ ավարտվում է այս մրցաշրջանի վերջում։ Ավելի վաղ լուրեր էին շրջանառվում, որ ամռանը 37-ամյա կիսապաշտպանը կարող է ավարտել կարիերան։
«Մխիթարյանն անհավանական խաղացող է, նա միշտ ոգեշնչել է ինձ։ Եթե նա որոշի ավարտել կարիերան, դա մեծ կորուստ կլինի ֆուտբոլի համար։ Իտալիայում կան ֆուտբոլիստներ, որոնք խաղում են մինչև 40 տարեկան։ Կարծում եմ՝ Մխիթարյանը կարող է խաղալ ևս մի քանի տարի»,- Ջանֆրանկո Մատեոլիի խոսքը մեջբերում է Fcinternews.it-ը՝ հղում անելով Tuttosport-ին։
Ընթացիկ մրցաշրջանում Հենրիխ Մխիթարյանն «Ինտերի» կազմում մասնակցել է 35 հանդիպման, դարձել 3 գոլի ու 3 գոլային փոխանցման հեղինակ։
