26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
100 տարեկանում կյանքից հեռացել է Ֆորմուլա-1-ի ամենատարեց նախկին արշավորդը
07.05.2026 | 14:44
Ֆրանսիայում 100 տարեկանում մահացել է Էրմանո դա Սիլվա Ռամոսը՝ Ֆորմուլա-1-ի ամենատարեց նախկին ավտոարշավորդը, հաղորդում է Racingnews365-ը։
Ռամոսը ծնվել է 1925 թվականի դեկտեմբերի 7-ին Փարիզում և Ֆորմուլա-1-ում 1955 և 1956թթ․ մրցաշրջաններում հանդես է եկել «Գորդինի» թիմի կազմում։ Այդ ընթացքում նա մասնակցել է 7 Գրան պրիի։
Ֆրանսիացի ավտոարշավորդի լավագույն արդյունքը եղել է 1956թ․ Մոնակոյի Գրան պրիում, որտեղ նա զբաղեցրել է 5-րդ տեղը։ Թագավորական ավտոմրցումներում Ռամոսի վերջին մեկնարկը եղել է 1956թ․ Իտալիայի Գրան պրիում, որի ընթացքում նա ընդամենը երեք շրջանից հետո դուրս է եկել պայքարից շարժիչի խնդիրների պատճառով։
Բացի Ֆորմուլա-1-ից, Ռամոսը մասնակցել է նաև լեգենդար «Լե-Մանի 24 ժամ» և «Միլե Միլյա» մրցարշավներին։
Ֆրանսիացին Ֆորմուլա-1-ի ամենատարեց նախկին ավտոարշավորդը դարձել էր 2023 թվականի ապրիլին, երբ 102 տարեկանում մահացել էր Քենեթ Մաքէլփայնը։
Էրմանո դա Սիլվա Ռամոսի մահից հետո ամենատարեց նախկին ավտոարշավորդը Ջոն Ռոդսն է, որն այժմ 98 տարեկան է։
Գրան պրիի ամենատարեց հաղթողն ու աշխարհի չեմպիոնը շարունակում է մնալ Ֆորմուլա-1-ի եռակի չեմպիոն, 86-ամյա շոտլանդացի Ջեկի Ստյուարտը։
