10.06.2026 | 11:44
Սրբուհի Գալյանի ճեպազրույցը՝ ՈՒՂԻՂ
Լեհաստանն ու Հայաստանը համատեղ զորավարժություններ կանցկացնեն
Քաղաքականություն
07.05.2026 | 12:49
Կայունությամբ, անվտանգությամբ և համագործակցությամբ հետաքրքրված երկրները մեր գործընկերներն են քննարկումների համար։ Այս մասին X-ում գրել է Լեհաստանի փոխվարչապետ, ազգային պաշտպանության նախարար Վլադիսլավ Կոշինյակ-Կամիշը ՀՀ պաշտպանության նախարար Սուրեն Պապիկյանի հետ բանակցությունների վերաբերյալ։
«Հետևաբար, մենք հետաքրքրված ենք համատեղ զորավարժություններով, ռազմական ակադեմիաների միջև համագործակցությամբ և Հայաստանի հետ պաշտպանական արդյունաբերության փորձի փոխանակմամբ։ Այսօր ես սա քննարկեցի պաշտպանության նախարար Սուրեն Պապիկյանի հետ։ Շնորհակալություն այցելության համար»,- նշել է նա։
Լեհ պաշտոնյան ընդգծել է, որ այսօրվա աշխարհում անվտանգությունը կառուցվում է ոչ միայն ռազմական ուժով, այլև տարածաշրջանի ապագայի մասին ռազմավարական մտածող երկրների միջև պատասխանատու գործընկերության և երկարաժամկետ համագործակցության ցանցի միջոցով։
Թարգմանությունը՝ Էմմա Չոբանյանի
