16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
ՌԴ-ի կողմից մի քանի ԱԹՍ-ներ մտել են Լատվիայի օդային տարածք. ՏԵՍԱՆՅՈՒԹ
Քաղաքականություն
07.05.2026 | 12:22
Լատվիայի ազգային զինված ուժերը հայտնել են, որ լույս հինգշաբթի գիշերը մի քանի անօդաչու թռչող սարքեր Ռուսաստանից մտել են Լատվիայի օդային տարածք, որոնցից երկուսն ընկել են։ Անօդաչուների պատկանելությունը չի նշվում, գրում է BBC-ի ռուսական ծառայությունը։
Պետական հրշեջ և փրկարարական ծառայության տվյալներով՝ ժամը 3:30-ի սահմաններում մի քանի ահազանգ է ստացվել Ռեզեկնե քաղաքում նավթի պահեստարանում հնարավոր հրդեհի վերաբերյալ: Հրշեջները բաց հրդեհ չեն հայտնաբերել, սակայն «ձեռնարկվում են անհրաժեշտ միջոցառումներ՝ պահուստարաններից մեկը սառեցնելու համար»:
Delfi-ի տվյալներով՝ Ռեզեկնեի բնակիչները հայտնել են, որ գիշերը վախեցնող ձայներ են լսել, այդ թվում՝ երկնքից շարժիչների աղմուկ և ինքնաթիռների ձայներ։ Լսվել են նաև պայթյունների ձայներ։
Լատվիայի պաշտպանության նախարար Անդրիս Սպրուդսը հայտարարել է, որ նախնական տեղեկություններով՝ դրանք, հավանաբար, անօդաչու թռչող սարքեր են, որոնք ուղարկվել են Ուկրաինայից Ռուսաստանում գտնվող թիրախներին։ Նա հավելել է, որ «սրանք ընդամենը ենթադրություններ են» և ընդգծել, որ Ուկրաինան «ունի բոլոր իրավունքները՝ պաշտպանվելու և հարվածելու Ռուսաստանի տարածքում գտնվող թիրախներին»։
Թարգմանությունը՝ Էմմա Չոբանյանի
