25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Թուրքիայի փոխնախագահն անդրադարձել է Հայաստանում թուրքական դրոշի այրմանը
Քաղաքականություն
06.05.2026 | 16:22
Թուրքիայի փոխնախագահ Ջևդեթ Յըլմազը մեկնաբանել է ապրիլի 23-ին Երևանում Հայոց ցեղասպանության զոհերի հիշատակին ավանդական ջահերով երթի ժամանակ թուրքական դրոշի այրումը։ Թուրքական լրատվամիջոցների հաղորդմամբ՝ լրագրողների հետ զրույցում Յըլմազն ասել է, որ Հայաստանում անդրադարձել է այդ հարցին։
«Ես վերջերս Հայաստանում էի, և մենք քննարկել ենք այս հարցը։ Ինչպես գիտեք՝ ՀՀ վարչապետ Փաշինյանը դատապարտել է այս միջադեպը։ Նմանապես, ՀՀ խորհրդարանի խոսնակը նույնպես դատապարտել է այն, և հայ հանրության կողմից արձագանքներ եղան»,- ասել է նա։
Թուրք պաշտոնյան նշել է, որ ցանկանում են Հարավային Կովկասում հաստատված երկարատև խաղաղություն տեսնել, հավելելով, որ Հայաստանն ու Ադրբեջանը զգալի առաջընթաց են գրանցել այս գործընթացում։
«Մենք կարծում ենք, որ խաղաղությունն այժմ շատ մոտ է։ Այս խաղաղության հաստատմամբ Հարավային Կովկասը, որպես մեծ ռազմավարական նշանակություն ունեցող տարածաշրջան, շատ ավելի այլ դեր կխաղա թե՛ տարածաշրջանային, թե՛ գլոբալ մակարդակով։ Մենք վստահ ենք թե՛ անվտանգության աճի, թե՛ բարգավաճման հարցում, հատկապես՝ Միջին միջանցքի զարգացման և Զանգեզուրի միջանցքի բացման շնորհիվ»,- ասել է Թուրքիայի փոխնախագահը։
Հիշեցնենք, որ Երևանում Յըլմազը մասնակցել էր Եվրոպական քաղաքական համայնքի 8-րդ գագաթնաժողովին։
Թարգմանությունը՝ Էմմա Չոբանյանի
