Պայմանագրային զինծառայողների վարձակալած բնակարանների համար վարձավճարի փոխհատուցման նոր կարգ սահմանվեց․ ՏԵՍԱՆՅՈՒԹ

Կառավարության նոյեմբերի 22-ի նիստում գործադիրը հավանություն տվեց որոշման նախագծի, որով սահմանվեց պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու հետևյալ կարգը

Երևան քաղաքում՝ մինչև 4 անձանցից բաղկացած շահառու ընտանիքին՝ 65000 դրամ, իսկ 4 և ավելի անձանցից բաղկացած շահառու ընտանիքին՝ 85000 դրամ.

այլ քաղաքներում՝ մինչև 4 անձանցից բաղկացած շահառու ընտանիքին՝ 38000 դրամ, իսկ 4 և ավելի անձանցից բաղկացած շահառու ընտանիքին՝ 50000 դրամ.

այլ բնակավայրերում՝ մինչև 4 անձանցից բաղկացած շահառու ընտանիքին՝ 20000 դրամ, իսկ 4 և ավելի անձանցից բաղկացած շահառու ընտանիքին՝ 25000 դրամ:

Հիշեցնենք, որ վերջին շրջանում մի խումբ զինծառայողներ պարբերաբար մեզ ահազանգում էին, որ Պաշտպանության նախարարությունը դադարեցրել է խաղաղապահ բրիգադի զինծառայողների բնակարանի վարձերի փոխհատուցումը:

Factor.am-ին դիմած զինծառայողները վստահեցնում են, որ ՊՆ-ից չեն ստացել 2018 թվականի երեք ամիսների՝ սեպտեմբերի, հոկտեմբերի և նոյեմբերի համար նախատեսված վարձերի գումարները: Նրանց խոսքով՝ բնակարանի վարձերը չեն հատկացվում այն պատճառով, որ խաղաղապահ զորքերի զորամասը Երևանից տեղափոխվել է Կոտայքի մարզի Բալահովիտ գյուղ: Զինվորները կասկածներ ունեն, որ Պաշտպանության նախարարությունից այդ գումարները չեն փոխանցում, քանի որ կարծում են, որ Բալահովիտում բնակարաններն էժան են և քննարկում են բնակվարձի կրճատման տարբերակները:

Մանրամասները՝ տեսանյութում։