04.06.2026 | 09:00
«Մարգարա» անցակետը հնարավոր է վերագործարկվի․ ՊԵԿ-ը շուրջ 11 մլն դրամի ծախս է իրականացնում
Թուրքիայի նախկին ԱԳ նախարարի եղբոր դեմ մահափորձ է տեղի ունեցել
Քաղաքականություն
06.05.2026 | 14:45
Թուրքիայի նախկին արտգործնախարար, պատգամավոր Մևլութ Չավուշօղլուի եղբոր՝ գործարար Այդըն Չավուշօղլուի դեմ մահափորձ է կատարվել, նրան գտել են հրազենային վիրավորմամբ իր աշխատասենյակում՝ Անթալիայի Ալանիա շրջանում, գրում են թուրքական լրատվամիջոցները։
DHA գործակալության հաղորդմամբ՝ երեկ երեկոյան կրակոցներ են լսվել Չավուշօղլուին պատկանող բենզալցակայանի գրասենյակից։ Հաղորդագրությունից հետո դեպքի վայր են ուղարկվել ոստիկանություն և շտապօգնության աշխատակիցներ։
Ծանր վիրավորում ստացած Այդըն Չավուշօղլուն տեղափոխվել է հիվանդանոց և վիրահատվել։ Գործարարի վիճակը շարունակում է մնալ ծանր։ Գրասենյակում և բենզալցակայանում ոստիկանության գործողությունները շարունակվում են:
Ըստ որոշ տեղեկությունների՝ Մևլութ Չավուշօղլուն գտնվում է արտերկրում։
Թարգմանությունը՝ Էմմա Չոբանյանի
