06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Թուրքիան իր առաջին միջմայրցամաքային բալիստիկ հրթիռն է ներկայացրել
Քաղաքականություն
06.05.2026 | 13:42
Թուրքիան ներկայացրել է իր առաջին միջմայրցամաքային բալիստիկ հրթիռը (ICBM)։ «Յըլդըրըմհան» (Yıldırımhan) անվանումով հրթիռն ունի 6000 կիլոմետր (3728 մղոն) հեռահարություն և 9-ից մինչև 25 Մախ արագություն, գրում է Daily Sabah-ը։
Երկրի Պաշտպանության նախարարության հետազոտությունների և զարգացման կենտրոնի կողմից մշակված հրթիռը ներկայացվել է SAHA-2026 պաշտպանական և ավիատիեզերական ցուցահանդեսում, որը մեկնարկել է երեքշաբթի։ Սա նշանավորել է երկրի ամենաժամանակակից հեռահար հրթիռային համակարգերից մեկի հանրային ներկայացումը։ Այն որպես վառելիք օգտագործում է հեղուկ ազոտի տետրօքսիդ և աշխատում է չորս հրթիռային շարժիչներով։
Սա նաև տեղի է ունենում այն ժամանակ, երբ Թուրքիան շարունակում է ընդլայնել իր պաշտպանական արդյունաբերության հնարավորությունները, այդ թվում՝ անօդաչու համակարգերի, հրթիռային տեխնոլոգիաների, օդային պաշտպանության, ավիացիայի և տիեզերական ոլորտում։
SAHA-2026-ը միավորում է պաշտպանական և ավիատիեզերական ընկերություններին, ռազմական պատվիրակություններին և արդյունաբերության ներկայացուցիչներին Թուրքիայից ու արտերկրից։ Թուրքիան արդեն ներկայացրել է հրթիռային համակարգերի լայն տեսականի, այդ թվում՝ Tayfun Block-4 գերձայնային հրթիռը անցյալ տարի։
Թարգմանությունը՝ Էմմա Չոբանյանի
