16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Իսլամ Մախաչևը հայտնել է՝ ում հետ կցանկանար մենամարտել
06.05.2026 | 14:28
UFC-ի կիսամիջին քաշային կարգում գործող չեմպիոն Իսլամ Մախաչևը հայտնել է, թե ում հետ կցանկանար մենամարտել։ Ավելի վաղ լուրեր էին շրջանառվում, որ ռուսաստանցի մարտիկը հաջորդ մենամարտն անցկացնելու է հուլիսին կամ օգոստոսին։
«UFC-ն դեռ չի հայտնել իմ հաջորդ մրցակցի անունը, բայց շատ են լուրերը, որ ես մենամարտելու եմ Իան Հարիի հետ։ Սակայն ես չեմ շփվել պաշտոնական անձանց հետ այդ մենամարտի վերաբերյալ։ Չգիտեմ՝ նա կլինի հավակնորդ, թե՝ ոչ։ Ստացվում է, որ կա երեք-չորս հավակնորդ՝ Կամարու Ուսման, Իան Գարի, Մորալես, Պրատես։ Կա նաև Շավկատ Ռախմոնովը։ Նրանք բոլորը պետք է սպասեն տիտղոսային մենամարտին։ Ես պետք է մենամարտեմ նրա հետ, ում UFC-ն կնշանակի։ Իսկ երկրպագուների համար ո՞ւմ հետ մենամարտը կլինի ավելի հետաքրքիր։ Կարծում եմ՝ հիմա Պրատեսն ավելի շատ է քննարկվում։ Նրա հետ մենամարտը ավելի հետաքրքիր կլիներ»,- Իսլամ Մախաչևի խոսքը մեջբերում է Red Corner MMA-ը։
Անցյալ շաբաթ բրազիլացի Կառլոս Պրատեսն Ավստրալիայում կայացած մրցաշարում նոկաուտով հաղթել էր ավստրալացի Ջեք Դելա Մադալենային։
34-ամյա Իսլամ Մախաչևը խառը մենամարտերում ունի 28 հաղթանակ ու 1 պարտություն։
