06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ուեսլի Սնեյդեր․ «Արտետան արդեն արժանի է արձան ունենալուն»
06.05.2026 | 12:47
Նիդերլանդների հավաքականի նախկին կիսապաշտպան Ուեսլի Սնեյդերը Լոնդոնի «Արսենալին» ու Մադրիդի «Աթլետիկոյին» քննադատել է Չեմպիոնների լիգայի կիսաեզրափակիչի պատասխան խաղում ձանձրալի ֆուտբոլ ցուցադրելու համար ու գովեստի խոսքեր ասել անգլիական ակումբը գլխավորող Միկել Արտետայի հասցեին։
«35-րդ րոպեից հետո ես ասացի, որ ՈՒԵՖԱ-ն պետք է միջամտի։ Նրանք պետք է զանգեին Լոնդոն և երկու թիմերին ասեին, որ պետք է լքել խաղադաշտը, իսկ եզրափակիչը կայանալու է վաղը։ Մենք գիտեինք, որ այդպես էլ լինելու է։ «Աթլետիկոն» խաղում էր պաշտպանությունից, իսկ «Արսենալն» ավելի շատ էր գնդակ վերահսկում։
Միկել Արտետան արդեն արժանի է արձան ունենալուն։ Նրանք պարզապես չունեն գոնե մեկ ամենաբարձր մակարդակի ֆուտբոլիստ, բայց հասնում են հաջողության։ Ուրախ եմ, որ «Արսենալը» կարողացավ խփել այդ գոլը և անցավ հաջորդ փուլ»,- իտալական «Ինտերի» ու Մադրիդի «Ռեալի» նախկին ֆուտբոլիստի խոսքը մեջբերում է Ziggo Sport-ը։
Հիշեցնենք, որ Չեմպիոնների լիգայի եզրափակիչի մյուս ուղեգիրը մայիսի 6-ին կվիճարկեն Մյունխենի «Բավարիան» ու ֆրանսիական ՊՍԺ-ն։ Կիսաեզրափակիչի առաջին խաղում Չեմպիոնների լիգայի գործող գավաթակիր ՊՍԺ-ն տնային հաղթանակ է տարել 5։4 հաշվով։
