17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
Էդուարդ Սպերցյանը մոտենում է Հալկի ու Լասկովի ռեկորդին
05.05.2026 | 15:46
«Կրասնոդարի» կիսապաշտպան Էդուարդ Սպերցյանը Ռուսաստանի Պրեմիեր լիգայի ընթացիկ մրցաշրջանում ամենաշատ գոլային փոխանցում կատարած ֆուտբոլիստն է։
Հայաստանի ազգային հավաքականի ավագն ընթացիկ առաջնությունում կատարել է 15 ասիստ ու նաև խփել 12 գոլ։
Այդ ցուցանիշով ռեկորդակիրը Մոսկվայի «Լոկոմոտիվի» լեգենդար կիսապաշտպան Դմիտրի Լոսկովն է, որը 2003թ․ առաջնությունում կատարել է 16 գոլային փոխանցում։ 2015/2016 մրցաշրջանում «Զենիթի» կազմում ռեկորդը կրկնել է բրազիլացի հարձակվող Հալկը։
«Матч ТВ»-ի համաձայն՝ Էդուարդ Սպերցյանը երրորդ ֆուտբոլիստն է, որը Ռուսաստանի Պրեմիեր լիգայի երկու մրցաշրջաններում 10+10 ցուցանիշ է գրանցում «Գոլ+ասիստ» հաշվարկով։ Նախկինում դա հաջողվել էր միայն Դմիտրի Լոսկովին ու «Զենիթի» նախկին կիսապաշտպան Դանիին։
25-ամյա Սպերցյանը «Գոլ+ասիստ» հաշվարկով 10+10 ցուցանիշ գրանցել է նաև 2022/2023 մրցաշրջանում (10+11):
