09.06.2026 | 00:17
Մարկո Ռուբիոն շնորհավորել է Փաշինյանին
Սա լավ առիթ էր՝ հասարակությանը տեղյակ պահելու, թե ուր են գնում պետության փողերը. Արմեն Աշոտյանը՝ իր նախաձեռնության մասին․ ՏԵՍԱՆՅՈՒԹ
Քաղաքականություն
22.11.2018 | 12:46
Որևէ անձնավորված, թիրախավորված քննադատություն չեմ դրել այս օրինագծի տակ: Այսօր՝ նոյեմբերի 22-ին ՀՀ Ազգային ժողովում ունեցած ելույթում այս մասին հայտարարեց ՀՀԿ խմբակցության պատգամավոր Արմեն Աշոտյանը՝ անդրադառնալով վարչապետին տրամադրված ինքնաթիռից և ուղղաթիռից այլ բարձրաստիճան պաշտոնատար անձանց օգտվելու կարգի մասին իր նախաձեռնությանը:
«Ինձ զարմացնում է ավելի լավ կիրառման արժանի այն հետևողականությունը, որով կառավարությունը մերժում է այս գաղափարը: Սա երկրորդ անգամ է, երբ ես փորձում եմ մեր այսօրվա կառավարությանը դարձնել ավելի հաշվետու, ծախսերը դարձնել ավելի հասանելի և մեր հասարակությանը ավելի տեղեկացված դարձնել կառավարական հաճույքների կամ փոխադրումների մասին: Որևէ անձնավորված, թիրախավորված քննադատություն չեմ դրել այս օրինագծի տակ»,- նշեց նա:
Արմեն Աշոտյանի համոզմամբ՝ այս օրինագիծը նախ և առաջ պետք է կառավարությանը, եթե վերջինն ուզում է կարգավորել այդ դաշտը, իրեն զերծ պահել անիմաստ շահարկումներից ու չարաշահումներից. «Շատ լավ առիթ էր՝ ձեզ ապահովագրելու, իսկ հասարակությանը տեղեկացված պահելու, թե ուր են գնում պետության փողերը»:
Մանրամասները՝ տեսանյութում
