28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Թրամփը հրաժարվել է ասել՝ արդյո՞ք Իրանի հետ հրադադարը դեռ ուժի մեջ է
Քաղաքականություն
05.05.2026 | 15:03
ԱՄՆ նախագահ Դոնալդ Թրամփը հրաժարվել է ասել՝ արդյո՞ք Իրանի հետ փխրուն հրադադարն ուժի մեջ է մնում, այն բանից հետո, երբ երկու կողմերն էլ կրակոցներ են արձակեց Հորմուզի նեղուցում։
Ռադիոհաղորդավար Հյու Հյուիթի հարցին՝ արդյո՞ք Իրանի հետ հրադադարն «ավարտվել է», և արդյո՞ք հարվածները կարող են վերսկսվել երեկոյան, Թրամփը պատասխանել է. «Դե, ես դա չեմ կարող ասել ձեզ», գրում է CNN-ը։
Նա կանխատեսել է, որ ռազմական գործողությունները կարող են շարունակվել «ևս երկու շաբաթ, գուցե երեք շաբաթ», և հայտարարել, որ «ժամանակը մեզ համար էական չէ»։
«Այսպես թե այնպես, մենք հաղթում ենք։ Մենք կա՛մ ճիշտ գործարք ենք կնքում, կա՛մ շատ հեշտությամբ հաղթում ենք ռազմական տեսանկյունից։ Մենք արդեն հաղթել ենք»,- ասել է Թրամփը։
Ավելի վաղ, Fox News-ին տված հարցազրույցում Թրամփը զգուշացրել էր իրանական զինված ուժերին, որ «կվերանան երկրի երեսից», եթե փորձեն թիրախավորել ամերիկյան նավերը Հորմուզի նեղուցում կամ Պարսից ծոցում։
Ավելի ուշ հարցազրույցում նա պնդել է, որ Իրանի հետ պատերազմը «ռազմական առումով էապես ավարտվել է»։
Թարգմանությունը՝ Էմմա Չոբանյանի
