28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Կայա Կալասն այցով Ադրբեջանում է
Քաղաքականություն
05.05.2026 | 14:54
Եվրամիության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Կայա Կալասը ժամանել է Ադրբեջան։ Այս մասին հայտնել են Ադրբեջանում ԵՄ պատվիրակությունից։
«Ադրբեջանը Եվրոպական Միության համար արժեքավոր և հուսալի էներգետիկ գործընկերն է, այդ իսկ պատճառով ես ուրախ եմ այսօր Բաքվում գտնվել»,- նշել է Կալասը։
Նրա խոսքով՝ կա համագործակցության խորացման հստակ ներուժ, մասնավորապես, առևտրի, տրանսպորտի և թվային տեխնոլոգիաների ոլորտներում։
«ԵՄ-ի, Հարավային Կովկասի և Կենտրոնական Ասիայի միջև կապերի ամրապնդումը համապատասխանում է մեր ընդհանուր ռազմավարական շահերին, և մենք պատրաստ ենք քննարկել ավելի կառուցվածքային գործընկերություն Ադրբեջանի հետ:Իհարկե, մարդու իրավունքների վերաբերյալ բաց և անկեղծ երկխոսությունը մնում է մեր աշխատանքի անբաժանելի մասը»,- հավելել է ԵՄ ներկայացուցիչը։
Նա նշել է, որ Ադրբեջանի և Հայաստանի միջև խաղաղության գործընթացում առաջընթացը պատմական հնարավորություն է , և կարևոր է պահպանել այս թափը։
Հիշեցնենք, որ մինչ Ադրբեջան մեկնելը՝ Կալասը Երևանում մասնակցել է Եվրոպական քաղաքական համայնքի 8-րդ գագաթնաժողովին, ինչպես նաև ԵՄ-ՀՀ առաջին գագաթնաժողովին։
Թարգմանությունը՝ Էմմա Չոբանյանի
