06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
70-ամյա դարպասապահը ֆուտբոլային խաղի է մասնակցել Իսպանիայում
05.05.2026 | 13:53
70-ամյա դարպասապահը խաղադաշտ է դուրս եկել ֆուտբոլի Իսպանիայի 5-րդ դիվիզիոնի խաղում, հաղորդում է Marca-ն։
Անխել Մատեոսը «Կոլունգայի» կազմում մասնակցել է «Պրավիանոյի» դեմ Իսպանիայի 5-րդ դիվիզիոնի 33-րդ տուրի հանդիպմանը։
Իսպանացին դաշտ է դուրս եկել մեկնարկային կազմում, իսկ 27-րդ րոպեին փոխարինվել է 0։1 հաշվի ժամանակ։ Մատեոսը խաղադաշտը լքել է ծափահարությունների ներքո։ «Կոլունգան» պարտվել է 0։2 հաշվով։
Անխել Մատեոսը նախկին հանքափոր է, որը կարողացել է բարդ աշխատանքը համատեղել ֆուտբոլի հետ ու տևական ժամանակ խաղացել է իսպանիայի Ռեգիոնալ լիգայում, իսկ կարիերան ավարտել է 43 տարեկանում։ Վերջերս նա «Կոլունգայի» ղեկավարության կողմից ստացել էր թիմի կազմում խաղալու առաջարկ և դարձել է ամենատարեց ֆուտբոլիստն Իսպանիայում։
