04.06.2026 | 19:26
Հայաստանը՝ Եվրոպական կրթական հիմնադրամի «Նոր ուսուցում 2026» միջազգային մրցույթի եզրափակչում
Սպերցյանն Ալեքսանդր Օվեչկինին համեմատել է Մեսիի ու Ռոնալդուի հետ
05.05.2026 | 12:21
Ռուսաստանի չեմպիոն «Կրասնոդարի» ու Հայաստանի ազգային հավաքականի ավագ Էդուարդ Սպերցյանը կարծիք է հայտնել Հոկեյի ազգային լիգայում (NHL) հանդես եկող ամերիկյան «Վաշինգտոն Քեփիթալզի» ռուս հարձակվող Ալեքսանդր Օվեչկինի մասին։
«Այնքան էլ հաճախ չեմ դիտում հոկեյ, սակայն, անկասկած, գիտեմ, թե ով է Ալեքսանդր Օվեչկինը։ Նա իսկական լեգենդ է, որը փառաբանում է Ռուսաստանը։
Ֆուտբոլում նրա պես մեծություն են Լիոնել Մեսին ու Կրիշտիանու Ռոնալդուն։ Այդպիսի մակարդակ է։ Օվեչկինն իսկական համաշխարհային աստղ է, դա ակնհայտ է»,- 25-ամյա կիսապաշտպանի խոսքը մեջբերում է «Известия»-ն։
Հիշեցնենք, որ 40-ամյա Օվեչկինին 10 գոլ է բաժանում NHL-ի պատմության լավագույն ռմբարկու Ուեյն Գրետցկիի պատմական ռեկորդից։ Ռուս հոկեյիստը խփել է 1006 գոլ, իսկ կանադացի լեգենդար հարձակվողը NHL-ում դարձել է 1016 (894 գոլ կանոնավոր առաջնությունում, 122 գոլ փլեյ-օֆֆում) գոլի հեղինակ։ Ալեքսանդր Օվեչկինը 929 գոլ խփել է կանոնավոր առաջնությունում, 77 գոլ՝ փլեյ-օֆֆում։ Նա NHL-ի կանոնավոր առաջնության պատմության լավագույն ռմբարկուն է։
