28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Տրանսպորտ, էներգետիկա, ենթակառուցվածքներ. Թուրքիայի փոխնախագահը մանրամասներ է հայտնել Փաշինյանի հետ հանդիպումից
Քաղաքականություն
04.05.2026 | 20:37
Համապարփակ և արդյունավետ հանդիպում ունեցա Հայաստանի վարչապետ Նիկոլ Փաշինյանի հետ Երևանում՝ Եվրոպական քաղաքական հանրության 8-րդ գագաթնաժողովի շրջանակում։ Այս մասին X-ի իր միկրոբլոգում գրել է Թուրքիայի փոխնախագահ Ջևդեթ Յըլմազը Հայաստանի վարչապետ Նիկոլ Փաշինյանի հետ Երևանում կայացած հանդիպումից հետո։
Նա նշել է, որ Փաշինյանի հետ հանդիպման ընթացքում քննարկել են երկկողմ հարաբերությունները։
«Մենք նաև հնարավորություն ունեցանք քննարկելու տրանսպորտի, մաքսային, էներգետիկայի և թվային ենթակառուցվածքների ու կապի ամրապնդմանն ուղղված քայլերը։ Ուրախ ենք, որ կարգավորման գործընթացում ձեռնարկված փոխադարձ կառուցողական քայլերը կոնկրետ առաջընթաց են ապահովում»,- ընդգծել է Յըլմազը։
Ըստ նրա՝ համագործակցության խորհրդանշական և շոշափելի ոլորտները, ինչպիսին է Անիի կամրջի համատեղ վերականգնումը, որի հետ կապված գործընթացն այսօր պաշտոնապես ամրագրել են փոխըմբռնման հուշագրով, նույնպես կնպաստեն խաղաղության և անվտանգության երկարատև միջավայրի ստեղծմանը։
«Տարածաշրջանային խաղաղության, երկխոսության և կայունության վրա հիմնվելով՝ մենք վճռականորեն կշարունակենք Հարավային Կովկասում հարաբերությունների կարգավորմանը նպաստելու, տնտեսական համագործակցությունը մեծացնելու և մեր ժողովուրդների միջև կապերն ամրապնդելու մոտեցումը»,- նշել է Թուրքիայի փոխնախագահը։
Նա հույս է հայտնել, որ հանդիպումն արդյունավետ կլինի, և շնորհակալություն հայտնել Նիկոլ Փաշինյանին հյուրընկալության համար։
Թարգմանությունը՝ Էմմա Չոբանյանի
