25.10.2026 | 20:35
Լոս Անջելեսում ՀՀ գլխավոր հյուպատոսությունը հերքել է քաղաքացիներին ICE-ին հանձնելու մասին տեղեկությունները
Ուկրաինայի նախագահի առաջին այցն է ՀՀ վերջին 24 տարվա ընթացքում. Զելենսկին՝ Փաշինյանի հետ հանդիպման մասին
Քաղաքականություն
04.05.2026 | 18:27
Լավ հանդիպում ունեցա Հայաստանի վարչապետ Նիկոլ Փաշինյանի հետ։ Շնորհակալություն Եվրոպական քաղաքական համայնքի գագաթնաժողովին հրավերի համար։ Սա Ուկրաինայի նախագահի առաջին այցն է Հայաստան վերջին 24 տարվա ընթացքում։ Կարևոր է, որ մենք վերականգնում ենք մեր երկրների միջև ակտիվ երկխոսությունը։ Այս մասին X-ում գրել է Ուկրաինայի նախագահ Վլադիմիր Զելենսկին ՀՀ վարչապետ Նիկոլ Փաշինյանի հանդիպման վերաբերյալ։
Նա նշել է, որ քննարկել են տարածաշրջանում ստեղծված իրավիճակը, ինչպես նաև անվտանգության մարտահրավերներն ու սպառնալիքները։
«Ես վարչապետին ներկայացրեցի իրական խաղաղության հասնելուն ուղղված դիվանագիտական ջանքերը։ Մենք նաև քննարկեցինք մեր տնտեսական գործընկերության զարգացումը։ Ես առաջարկեցի վերսկսել Տնտեսական համագործակցության միջկառավարական համատեղ հանձնաժողովի աշխատանքը և դրա հաջորդ նիստն անցկացնել այս տարի Կիևում»,- գրել է Ուկրաինայի նախագահը։
Թարգմանությունը՝ Էմմա Չոբանյանի
