27.07.2026 | 10:07
Հրանտ-Լեոն Ռանոսն առաջին գոլն է խփել «Տեներիֆեում». ՏԵՍԱՆՅՈՒԹ
Վահան Բիչախչյանը բաց կթողնի մրցաշրջանի վերջնամասը
04.05.2026 | 15:21
Հայաստանի ազգային հավաքականի և լեհական «Լեգիայի» կիսապաշտպան Վահան Բիչախչյանը վնասվածքի պատճառով բաց կթողնի ընթացիկ մրցաշրջանի վերջնամասը։
Transfermarkt-ի համաձայն՝ 26-ամյա ֆուտբոլիստը խաղադաշտ կվերադառնա մայիսի 30-ից ոչ շուտ։ Բիչախչյանն ապրիլի 6-ին ազդրի մկանային վնասվածք էր ստացել իր նախկին ակումբ «Պոգոնի» դեմ Լեհաստանի առաջնության 27-րդ տուրի խաղում (2։0)։
Ընթացիկ առաջնությունում Վահան Բիչախչյանը «Լեգիայի» կազմում մասնակցել է 21 խաղի, դարձել 2 գոլի ու 1 գոլային փոխանցման հեղինակ։
Հիշեցնենք, որ հաջորդ ամսվա սկզբնամասում Հայաստանի հավաքականը 2 ընկերական հանդիպում է անցկացնելու Երևանում։ Հունիսի 6-ին Եղիշե Մելիքյանի գլխավորած թիմն ընդունելու է Ղազախստանի հավաքականին, իսկ 3 օր անց՝ Մոլդովայի հավաքականին։
