15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ԱՄՆ-ը Պակիստանին է փոխանցել իրանական առգրավված նավի անձնակազմին
Քաղաքականություն
04.05.2026 | 16:06
Իսլամաբադը հաստատել է, որ ԱՄՆ-ի կողմից առգրավված իրանական կոնտեյներային նավի անձնակազմի 22 անդամները կտարհանվեն Պակիստան։ Արտգործնախարարությունը դա անվանել է «վստահության ամրապնդման միջոց», որը ստացել է երկու կողմերի աջակցությունը։ Հայտարարության մեջ ասվում է, որ անձնակազմը կվերադարձվի Իրան, գրում է DW-ն։
Հայտարարությունը վերաբերում է իրանական դրոշի ներքո նավարկող «Տուսկա» նավին, որն անցյալ ամիս ԱՄՆ ուժերի կողմից կալանավորվել էր Օմանի ծոցում գտնվող Իրանի Չաբահար նավահանգստի ափի մոտ։ Այն Իրանի Իսլամական Հանրապետության նավագնացության գծերի (IRISL) մաս է կազմում, որի նկատմամբ Վաշինգտոնը պատժամիջոցներ է կիրառել։
Թեհրանը դատապարտել էր միջադեպը՝ այն որակելով որպես «անօրինական» և միջազգային ծովային կանոնադրության խախտում։ ԱՄՆ Կենտրոնական հրամանատարությունը հայտարարել էր, որ նավի անձնակազմը հրաժարվել է կատարել վեց ժամ տևած բազմաթիվ նախազգուշացումները, որ այն խախտում է ԱՄՆ շրջափակումը։
Պակիստանը հայտարարել է, որ անհրաժեշտ վերանորոգումներից հետո նավը կվերադարձնի Իրանին։
Իսլամաբադը միջնորդի դեր է ստանձնել փետրվարի վերջին ԱՄՆ-ի կողմից Իրանի վրա հարվածներ հասցնելուց կարճ ժամանակ անց, սակայն խաղաղության բանակցությունների փորձերը մինչ օրս քիչ արդյունք են տվել։
Թարգմանությունը՝ Էմմա Չոբանյանի
